رامز عباس … كل سنة وانت طيب

رامز عباس … كل سنة وانت طيب

حمدى حسين

ميلاد سعيد يارامز وعقبال كل اللى تتمناه للشرفاء من المعوقين يت�قق

ميلاد سعيد يارامز وعقبال كل اللى تتمناه للشرفاء من المعوقين يتحقق

المدون المدافع عن �قوق المعوقين فى عيد ميلاده

المدون المدافع عن حقوق المعوقين فى عيد ميلاده

فى عيد ميلاده وبالقروش القليلة التى أعطاها له أقاربه قرر أن يشترى مسدس بلاستيك ” بينور ” ليهديه الى صديقه د/ مرعى ليتسنى له الانضمام الى كتيبة محمد عادل وعبد العزيز مجاهد مع المدونين اللا ….. الآخريين !!!

كل سنة وانت طيب يارامز والسنة القادمة تكون حققت آمالك وآمال المعوقين فى مصر ، حتى ولو كان على حساب اسقاط النظام  .

حمدى حسين

بكرة عيد ميلادى أربعه وعشرين سنة في الدنيا دى ما بين أحلام وأمال
أفراح وأحزان أوقات بتعدى تندهلي تقولي أنت رجل الموقف
وأوقات تانية تقولي أفسح المجال لأقرانك ولمن هم أفضل منك
(نظرياً هناك أفضل مني فلنقدرهم ولنعطيهم حقوقهم)
أربعة وعشرين سنه في ولاية حكم المستبد الذى طهق الشعب
( دا مش المفروض يهدىء شوية ده عيد ميلادى يا عالم)
أربعه وعشرين سنه عرفت فيهم ناس كتير
وناس دخلت قلبي وناس خرجت معاش مبكر
أربعه وعشرين سنة حبيت فيهم عشر بنات
( بنات أفكاري محدش يروح بفكره لبعيد)
أربعة وعشرين سنة حققت نجاحات كتير أوى وتعرضت لأخفاقات أكثر
أربعه وعشرين سنة( إنضربت فيهم كوسوفو والشيشان وأفغاستان
وفلسطين مضروبة علي طول وتم إحتلال العراق قال إيه علشان
صدام مستبد طب والمعلم بتاعنا يتصنف إيه ده مجبليش تورته مرة واحدة في حياته)
مش عارف أنا مرتبك ومش عارف أقول أيه ولا إيه فيه كتير وفيه قليل
ومش أنا اللي هتكلم عن نفسي فيه أصدقاء وأحباء وهم أدري بي من خلال تواصلنا
والعيش والملح والكيبورد كلمتين شعر
مني لنفســـــــــــي( بنرفع مستوى الأنتماء)
يا رامز يا أبن مصر اللي قالوا ولادة
وترابها غالي وفيها مساجد للعبادة
وكمان كنائس لجاري متي وجارتي غادة
بتمنالك في يوم ميلادك كل السعادة
يارامز يا أبن مصر يا راضع من النيل
وتعلمت وسط الناس أزاى تبقي أصيل
وتعيش علي خير الأرض
وتبوس التربة العطشانة لحب الناس
الناس الجدعة التي تغير علشان مصر
بتمنالك في يوم ميلادك تفخر بمصر
وأهل مصر اللي شعارهم هو النصر
ــــــــــــــــــــــــــــــــــــــــــــــــــــــــــــــــــــــــ
رامز بن عباس مدون مصري ومسئول لجنة دعم المعوقين وعضو مجلس ادارة آفاق المحلة
فى ذكرى يوم ميلادى الاحد  8/2/2009

فيديو لتسجيل حديث رامز عباس مع ال http://www.youtube.com/watch?v=Q0SH5zQGEak m b c



Advertisements